love 4evar الحـــــــــــــــــــــ للابد ــــــــــــــــــب
[

يوم من يوميات مشرف

استعرض الموضوع السابق استعرض الموضوع التالي اذهب الى الأسفل

يوم من يوميات مشرف

مُساهمة من طرف fatma في 04/07/10, 05:44 am




اول ما قام من النوم لقى الموبايل بتاعه بيرن

فلقى الادمن بتاع المنتدى بيتصل بيه

المشرف:اصطبحنا وصبح الملك لله ......صباح الخير يا فندم

الادمن: خير هييجى منين الخير ياسى زفت

انت سايب قسمك ونايم الله يخرب بيت اللى شار عليا الشورة السودة دى انى امسكك
مشرف انت متنفعش حتى تبقى عضو موقوف


المشرف : ليه بس يا فندم دا انا حتى مغسلتش وشى ودخلت على طول على المنتدى

الادمن : عموما ادخل شوف قسمك ودا اخر انذار ليك

وانتهت المكالمه والمشرف طبعا مضايق وبيقول انا ايه بس ياربى اللى دبسنى التدبيسه السودة دى ماكنت عضو وميه ميه المهم دخل على الرسايل الخاصه بتاعته بقى لقى الرسايل دى


الرسالة الأولى

السلام عليكم ...ازيك مشرفنا .. بقولك أنا اضفت موضوع بس معرفش شكله نزل ثلاث مرات بالغلط أحذف أي واحد فيهم .. اللي يعجبك أنت بس احذف

الرسالة الثانية

مرحب مشرفنا ..... بقلك شوف : في عضو قاعدلي كل موضوع يرد عليا ويهيني قدام الأعضاء ... لو ماسكتوش هعمل حاجه محصلتش.. واقلبلكم المنتدى .. وقد اعذر من بنشر ...

الرسالة الثالثة

ياااأبو الشبااااااااااااب ألحقني ... كل ما أدخل المنتدى يطلعني بره ... ومش راضي يدخلني ايه الحكاية شكلها كدة الدخول. بفلوس ....

الرسالة الرابعة

مشرفنا ... ممكن لو سمحت تعدل اسمي من الحلوة الى ملكة جمال المنتديات <<<<<<<< مصدقه نفسها

الرسالة الخامسة

هاي عمري ... يارب تكون مبسوط .. بصراحة شخصيتك عاجباني ولك هيببة في المنتدى بس ياريت يعني اذا عملت موضوع ثبتهولي ..على فكرة انا زعلانة محدش يثبتلي مواضيعي


الرسالة السادسة

ياعم هقلك على حاجة : مش هسلم عليك ولا حاجة انت أصلاُ ماتستاهلش كل ما اعمل موضوع تحذفهولي .. عجيبة والله ...

الرسالة السابعة

مساك زي الفل يا سوبر ستار المنتدى ...
بصراحة انا مكسوف منك عايز أطلب طلب بسيط ... يعني انا عايز اعرف ازاي المشرف بيتعامل مع المواضيع و ايه الطريقة يعني بالعربي الفصيح .. عايز الباسوورد بتاعتك اذا تكرمت

(ماهو دا اللى ناقص)

الرسالة الثامنة

يا اخي انت زودتها ... شايف نفسك علينا وكل مانكلمك ما تديناش وش .. ياخي الاشراف مش يعني بقيت ملك ... اختشي على دمك بقى .. قال
مشرف قاال ... انت أصلاً خدام عندنا يعني تخدمنا .. اقولك : روح هاتلي واحد شاااي


الرسالة التاسعة

حبيب قلبى... ازيك حبي .. عرفتني ؟؟ أنا أمورة .. واحشني اوي ... اقلك كلمني على الياهو ضروري ... بااااااااااي

الرسالة العاشرة

(من المشرف العام)

السلام عليكم ..أخي ...الاحظ كثرة الشكاوي من الأعضاء وكثرة المشاكل أرجوا تهدئة الأمور بأسرع وقت .. وان تفعل أي شي لمصلحة المنتدى ... وشكرا ...
طبعا ما صار معي اي موقفك من هالمواقف ولا وصلتني اي رسالة من الرسائل
بس عجبني الموضوع وحبيت انقله ليكم وهي شوية نكت عالمشرفين
خطيبة
مشرف كل لما تتصل عليه تطلع لها رسالة مسجلة __السرفر مشغول حاليا حاول فى وقت آخر



مشرف شغال فى المرور كل لما يشوف سيارة مخالفة يديها تقييم سالب





مشرف كتب كتابه فى موضوع وعمل الفرح فى منتدى التهانى والمناسبات ووزع على المعازييم تقيمات موجبة



مشرف متعارك مع زوجته عملها حظر





مشرف خلف تؤام احتفظ بواحد وحط التانى فى قسم المواضيع المكررة





مشرف صدرت فاتورة التليفون باهظة عملها تعديل





مشرف بيتغزل فى خطيبته _قالها انتى موضوع عمرى...أنتى مشاركة حياتى....أنتى كل صلاحياتى





مشرف عايز يخطب عضوة بيقولها ممكن أسجل عندكم فى البيت بس ياريت والدك ما يتأخر على فى رسالة التفعيل





مشرف عنده حالة نفسية كل ما يكتب موضوع يحذفه





مشرف عايز يعرف حبيبته بتحبه ولا لا دخل على المنتدى بدأ يحذف فى المواضيع واحد ورا التانى بتحبنى ما بتحبنيش بتحبنى ما بتحبنيش





مشرف دخل منتدى المناقشة طلع بخمس غرز وأرتجاج فى المخ





مشرف دخل منتدى القضايا السياسية قبضوا عليه فى مظاهرة





مشرف عايز يطرد عضو مميز من المنتدى حط فى واحد من مواضيعه كيلو حشيش وبلغ عنه
انشالله يكون الموضوع عجبكم مع تحياتي لجميع المشرفين والاداريين


_______________________________________________
avatar
fatma
المدير العام
المدير العام

انثى
عدد الرسائل : 227
العمر : 24
العنوان : الكره الارضيه
العمل/الترفيه : ماجستير في الكومديا والرعب
المزاج : وانت مالك
جنسيتك : مصريه
كيف تعرفت علينا؟؟ : احلي منتدا
علم دولتك :
ناديك المفضل : الزمالك
عارضه الطاقه :
100 / 100100 / 100

تاريخ التسجيل : 13/12/2008

http://love4evar.7abibomri.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى